قال الدكتور طارق شوقي، وزير التربية والتعليم، والتعليم الفني، إن نتيجة الثانوية العامة ستعلن قبل نهاية الأسبوع الأول من شهر أغسطس الجاري وهو المعلن منذ البداية، لكن الوزارة تلقت كما كبيرا من الشائعات حول صدور النتيجة، «انهارده 1 أغسطس وقولنا النتيجة هتظهر في الأسبوع الأول من أغسطس، يعني من 1 لـ7 أغسطس، ليه نعيش الناس في حالة من القلق، احنا نفسنا منعرفش لسه هتبقى امتى، يعني هتبقى يوم 2 أغسطس ولا 5 أغسطس، طب ما أنا لو كنت عاوز أقول 2 أو 5 كنت قولت، احنا قولنا من 1 لـ7 أغسطس».
نتيجة الثانوية العامة 2022
وأضاف وزير التربية والتعليم، خلال تصريحات تليفزيونية وحديثه عن الثانوية العامة 2022 : «تعالوا نغير الأسلوب، انتوا معطلينا وموترينا ومسببين لينا تعب شديد جدًا، الناس بقت تتسابق على حاجة مقولنهاش، أنا شوفت النهاردة خبر إن الوزير اعتمد النتيجة، وهي الآن في مكتب الوزير، طب والله أنا لا أعرف النتيجة ولا المؤشرات، ولا هي خلصت ولا أي حاجة من دي خالص، ليه نبلبل الناس، ونثير جدل بلا داعي، ليه ناس تدعي إنها تعلم بواطن الأمور».
وأوضح وزير التربية والتعليم، أن الأخبار المتداولة عن نسب النجاح وموعد ظهور النتيجة، ونسب التنسيق بالجامعات، لا أساس لها من الصحة حاليا، «على الأقل خالص عشان يبقى فيه قدر من المصداقية، يقولوا كلمة (اعتقد) قبل بدء الكلام، لا دول بيتكلموا على أنه خبر والناس على طول بتصدق».
